زبانحال حضرت فاطمه(س) به

امام علی(ع) در حالت احتضار

گل باشیمی آل دیزون اوسته - جان دوداقا گلدی عموغلی

ظلمیله بو غصه لی قلبی - محنت اوخی دلدی عموغلی

خداحافظ حیدر - حلال ایت زهرانی

گوزون یاشین توکمه - سنی زینب جانی

علی جانم - علی جانم

***

قویما حسین گوز یاشی توکسون - نازیله ساخلا حسنینی

تاب ایلمز زینبیم آغلار - گورسه گوزی یاشلی حسینی

بالالاری یوخلات - ئوزون صونرا خواب ایت

حسین سو ایسته سه - اونی تیز سیراب ایت

علی جانم - علی جانم

***

شرم ایدورم ایلیم عنوان - نیلدی منلن در و دیوار

گوردی بیر ایش ثانی ظالم - یاره لدی سینه می مسمار

یارامدان قان گلدی - چخور جان دوداقدان

بابام پیشواز ایلر - یارالی قوناقدان

علی جانم - علی جانم

***

من کیمی مظلوم ئولن اولماز - حالیمه آغلا یانا یانه

لطف ایله بو جسم ضعیفی - غسل و کفن ایله شبانه

گجه یاری دفن ایت - بو خواهش وار سندن

اماندور گلمه سین - باشیم اوسته دشمن

علی جانم - علی جانم

سعید نجفقلی زاده مراغه ای (اشراق)

التماس دعا

ادامه مطلب راحتما بخوانید