درد دل یک منتظر

فلک چرخشی کج مدار اولدی گل        

حقیقت گونی استتار اولدی گل         

عدالت باغی تار و مار اولدی گل

آقا بیزی همدم سوز و ساز ایلمه          

دل اهلینه اسیر نیاز ایلمه

یولی پر نشیب و فراز ایلمه            

باب تنبیهی باز ایلمه

سن عمون جانی ناز ایلمه                      

اورگلره یانیب لاله زار اولدی گل

مقامن فداسی آقا مهدیسن              

او کس که رمزه آگهدسن

سن اونبیر گلون با صفا شهدیسن       

نه بیر کشورن صاحب عهدیسن

سراسر جهانین ولیعهدسن

وفا اهلی لحظه شمار اولدی گل

امام زمان سیل اولا باش اگر سدیوه

گوزوم قربان اولسن سنن جدیوه

اسیریخ آقا هجر بی حدیوه

قدم ویر دویونجاخ باخاخ قدیوه

گل ای شیعنن اوج شخصیتی

مسلمانارین شان و حیثیتی

اورگلر قان اولدی گوتار فرقتی

چراغان ایله جلوه خلقتی

روا بیلمه بو دنیا بو ظلمتی

گونوزلر فراقندا تار اولدی گل

سنن قربانن شیعنن جانلاری

گل ارشاد ایله غافل اینسانلاری

اوزون آل گوناهسیز قانلاری

اویات بی تفاوت انسانلاری

مساجده که توز باسدی قرآنلاری

بشر دامنه لکه دار اولدی گل

بشر پیچ و تاب جهالتددی

هله چوخلاری خواب غفلتددی

ولایت مسیری اهانتددی

بشر قید و بند اسارتددی

ریا اهلی فکر ریاستددی

آقا پیاده گزنلر سوار اولدی گل

دوشوب ناله ظلم داغدان داغا

علی ذولفقاری دوشوب توپراغا

عدالت جهاندا اولوبدر آقا

بیری یر تاپامیر گجه یاتماقا

بیری آلدرر ات ایته آتماقا

به تبعیضیدن سینه زار اولدی گل

آقا عصمت اهلینن فساد اولدورور

حجاب سیزلاری انتقاد اولدورر

نقد آشنا وار یاد اولدورر

 بیزی دشمنه بد نهاد اولدورر

جوان گللری اعتیاد اولدورر

زمین طعمه انتحار اولدی گل

خیاباندا قیز لار آچیر باشلارین

تا که نامحرمه گورسده ساچلارین

چوخ اوغلانلار آلدرر قاشلارین

ظهور ایله سال یادا گوز یاشلارین

جوابن ور آقا به اوباشلارین

نوامیس اسلام خار اولدی گل

وریب الدن انسان دل و جانینی

چکیب لکهء ننگ دامانینی

ایتیردی بشر راه عرفانینی

ساتیر قارننا خاطر ایمانینی

بشر گور نجه جیره خوار اولدی گل

بیر عده سالوب عالمه زلزله

بیر عده اولوب بدتر از حرمله

یالانان دیلر آقا کاش گله

ولی هاردا فرصت سالیلار اله

گچیلر نمازدا صف اوله

ریا کاریلار حق شعار اولدی گل

بعضی بشر دهردی یوز صورتی واردی

الله بیلر قلبده نه نیت واردی

بیر گون گورسن جبهه شیطانه طرفدی

بیر گون گورسن شاه شهیدانه طرفدی

بیر گون گورسن تابع اولوب کفر و نفاقه

بیر گون گورسن قاره گیپ باشدان ایاقه

بیر گون گورسن داش داشیر قبر شهیده

بیر گون گورسن آجر آتیر کاخ یزیده

قیلماز ایکی رکعت نمازن هفته به هفته

جمعه نمازندا دایانیر اوله صفده

گل تمام ایله به غملری

که نامحرم اولدی محرملری

گل آل چینوه قاره پرچملری

اوزون سینه ور محرم لری

انساندا که مین رنگدی انسان دیمگ اولماز

مین رنگی انسان مسلمان دیمگ اولماز

لعنت گله بیر شخصه که بنیانه وجودی

ظاهری مسمان اولا باطنده یهودی

آه ای علی شیعه سی مین یولا گتمه

شخصیتن دامنینی لکلی اتمه

تزویر ایلمه خلق پراکندیه خاطر

الله گوره سعی ایله نه بنده یه خاطر

احسان ورسن تا آدین دیللر دوشسون

دارایین آوازه سی محفلره دوشسون

آه بیر کس بیله همساینین آذوقسی کمدی

والله اونین احسانیدا اسلاما ستمده

تشریح ایله انگیزهء احسان ندی سنده

بو بخششو بذل فراوان ندی سنده

سعی ایلسن مهر حسین دونمیه قهره

یا ثروتوی گورسدسن مردم شهره

اما بنی بیل یار اولان اله یار بیلمز

زهرا بالاسی شخص ریاکاری بیلمز

یوز یول مگه گل گدسن پول ربادان

مین یول دولانیب یول سالاسان مرو صفادن

احرامی اگر غامتیوه باغلیاسان سن

یوز دفعه بقیده اوتوروپ آغلیاسان سن

چون قلبوی نور عملی تابش یوخدی

والله او حجین توکجا ارزشی یوخدی

فانوس نه حاجت او زمان که گونوز اولسا

انسان اوزو بیر کعبه دی اعمال دوز اولسا

هر قلبی که پاک اولسا اوزی قبله نمادی

بیر نیمه مروه و بیر نیمه صفادی

هر قلبوی آیینه کیمین اولا سالک

گر یاخشی گزیپ آختاراسان اور دادی مکه