اي ولايت اهلينون مولاسي يا صــاحب زمان
نخل توحيدين گل رعناسي ياصاحب زمان
گل زمان طوفاندي اي عصروزمانين صاحـبي
سندن ئوزگه يوخ بوگون اسلاميانين صاحبي
گل جهاني روشن ايله اي جهانين صاحـــبي
تاقورولسون معـدلت شوراسي ياصاحب زمان
گل ييغيشدير دهردن كفر و ظلالت پرچمين
وير هامي عالملره حقّ وعدالت پرچــــمين
نصب ائله هرياندا اسلامين اصــالت پرچمين
دولدورا دنياني حقّ آواسي ياصـــاحب زمان

اي وليّ الله اعظم حجّت كبــــــــراي حق
وي قويان باشه شرفدن تاج كرّمــــناي حق
اي امام كـــــون وامكان آيت عظماي حق
كايناتين باعث ابقاسي ياصـــــــاحب زمان
يئريوزونده اي جلال كبريا نين وارثــــــي
انبيانين جانشيني ، اوليانــــــــــين وارثي
هارداسان گل اي شهيد كربلانين وارثــــي
قوي گؤرونسون كربلا غوغاسي ياصاحب زمان
سن بوگون ارض وسمانين باعث ابقاسي سن
واقعي صلح جهانين ضامن اجـــــراسي سن
دردمندان زمانين ملجاء و مأواسي ســـــن
اي هامي مظلوملارين ملجاسي ياصاحب زمان
روزگاري غم دوتوب اي روزگارين صاحـبي
كسمه فيض لطفون اي خرد وكباريم صاحبي
ذوالفقارون آل اَله اي ذوالفقارين صاحــبي
صلحه بسدي تيغيوين ايماسي يا صاحب زمان
اي جهانين صاحبي تئزگل جهان آلماقليقا
ادّعا صاحب لرينــدن امتحان آلما قلــــــيقا
جدّوون قانين توكنلردن ده قان آلما قليقا
جوشه گلسين بيرده قان درياسي ياصاحب زمان
كربلاده كوفيان ظلمونده طغيان ائتديلــر
آل طاهانين مبارك خاطرين قان ائتـــــــديلر
ظلميله انصارديني قانه غلطان ائتديلــــر
هرشهيدين دوغرانوب اعضاسي يا  صاحب زمان
غصه دن اهل ولانين خاطري قان اولدي گل
ظلميله اي مصلح عالم بو عالم دولـــــدي گل
صرصرِ ظلميله دينين گلستاني سولدي گل
سلب اولوب اسلاميان ياراسي يا صــاحب زمان
سيّدي سنسن بوگون اسلام ودينين عزّتي
مفخرعرفان و قرآن مبينين عـــــــــــــزّتي
گل بناي كفري ييخ اي مؤمنينين عزّتي
بوگونون بولسونله وار فرداسي يا   صاحب زمان
خائن اللرتفرقه سالماقـــــداطغــيان ائلييب
دين آديـــــــــلا قصـد جان اهل ايمان ائلييب
قارداشي قارداشه دشمن قوم عــدوان ائلييب
گل گئديب قارداشليقين معناسي يا  صاحب زمان
سالديلاربيگانه لر قارداشي قارداش جـــانينه
دشمن ايمندي ،دوشن ،يولداشدي يولداش جانينه
گل بوقدري قويما اسلامين دگه داش جانينه
تار اولا اسلاميان دنيــــــــــاسي ياصاحب زمان
سيدي اسلامي امتلرده وحدت قالمـــــيوب
درك ائداخ ضربت بيزه هارداندي فرصت قالميوب
خلقلرده عدل و انصاف ومرّوت قـــــالميوب
يوخدي دنيانين مگرعقباسي يا صـــــاحب زمان
سالميري ياده چوخ انسانــلار عذاب آياتيني
چوخلاري ياددان چيخارديبلار حســـاب آياتيني
ايليوب انكارچوخ چـــوخلارحجاب آياتيني
يوخدي غيظ حقّدن پـــرواسي يـــاصاحب زمان
باغلانيب احبابه امـــيّد و رجانين يوللاري
سيّدي وارسنده هـــــــردرده دوانين يــوللاري
بيرنظرقيل امن اولا كرب و بلانين يوللاري
اويولون اُلموش حزين شيــداسي ياصاحب زمان


شعراز:حيدرخسرو شاهي (حــزين)

****************************

يـارب بحـقيقـت کتـاب مُنــــــــزَل
بـرجـاه وجـلال انبيـاي مرســــل
اول کسلره کي ائدرله مشکل لري حلّ
عجـل لـوليـک الفـرج يــــــا الله
يـاربّ جليـل،مجتبـايـه خاطـــــــر
لب تشنـه شهيـدکربـلايه خاطــر
لطف ايــله ائـمّةهـدايـه خـاطــــــر
عجـّل لـوليـک الفـرج يــــــا الله
يارب شهـداي راه ديـن حرمتنــــــه
شاَن وشرف اهـل يـقين حـرمتـنه
اسـرارسمـاوات و زمـين حـــــرمتـنه
عجـّل لـوليـک الفـرج يــــــا الله
يارب سـنه شايـسته عباداتـه قســــم
ظلمت گئجه لر نور سـماواته قسم
ارباب خلـوص ائـدن منـاجاته قســـم
عجـّل لـوليـک الفـرج يــــــا الله
يـارب شـرف عـرش مـعلّايه قســــم
اولدوزلارا ،گويلره، گونه، آيــه قسم
دريـاده کي نعمتلره دريـايـه قســـم
عجّـل لـوليک الـفرج يـــــــا الله
يارب « خٌلُقِ عظيمِ » طـاهـايـه گؤره
دنيابـؤيي مظلوميِ مــــولايه گوره
حقّ اوستـه سينان پهلوي زهرايه گوره
عجـّل لـوليـک الفـرج يـــــــا الله
يــارب هدف خلقت انـسانـه قسم
تسـليم و رضـاي شاه عطـشانه قسم
اصـغربوغازيندان توکولن قانـه قسم
عجّـل لـوليـک الفـرج يــــا الله
يـارب وئريرم قسم وفـا لشگـــرينه                             
انصار حسينه ،  قاسم و اكبــرينه
عبـاس رشيـدين کسيلن اللــــرينه
عجّـل لـوليـک الفـرج يـــــا الله
يـارب به صفـاي باطن اهـــــل يقين
رازشبـه آشنـاي سجّـاده نشيـــن
سندن بودي خواهش وتــمناي حزين
عجّـل لـوليـک الفـرج يـــــا الله

*************************